राेकिएकाे छैन वर्षा

काठमाडौं । कोशी र बागमती प्रदेशका केही स्थानमा शुक्रबार बिहानैदेखि चट्याङसहित हल्का वर्षा भइरहेको छ ।

कोशी, बागमती र गण्डकी प्रदेशका थोरै स्थानहरूमा तथा बाँकी प्रदेशका १–२ स्थानमा दिउँसो हल्कादेखि मध्यम वर्षाको सम्भावना रहेको छ। कोशी प्रदेशका केही स्थानमा धेरै वर्षा हुनसक्ने पूर्वानुमान गरिएको छ ।

राति कोशी, बागमती र गण्डकी प्रदेशका केही स्थान तथा बाँकी प्रदेशका १–२ स्थानमा चट्याङसहित हल्कादेखि मध्यम वर्षाको सम्भावना रहेको जनाइएको छ । धेरै वर्षाको सम्भावना रहेका ठाउँमा कृषि, स्वास्थ्य, पर्यटन, पर्वतारोहण, सडक तथा हवाई यातायातमा असर पर्नसक्ने पूर्वानुमान छ ।

वर्षा धेरै हुने स्थानमा गेग्रान बहाव, बाढी, पहिरो, भूक्षय जस्ता प्रकोपको जोखिम रहेको जनाइएको छ । सम्भावित क्षतिबाट बच्न आवश्यक सतर्कता अपनाउन मौसम पूर्वानुमान महाशाखाले सबैमा अनुरोध गरेको छ ।

देशभर मनसुनी वायुको प्रभाव कायमै छ। महाशाखाले दक्षिण–पश्चिम बंगलादेश आसपासको क्षेत्रमा बनेको न्यून चापीय प्रणालीको आंशिक प्रभाव नेपालको पूर्वी र मध्य भागमा रहेको उल्लेख गरेको छ ।

प्रभावका कारण कोशी र बागमती प्रदेशमा आंशिकदेखि साधरणतया बदली रही बाँकी भू–भागमा आंशिक बदलीदेखि मौसम मुख्यतया सफा रहेको छ। दिउँसो कोशी, मधेस, बागमती र गण्डकी प्रदेशलगायत देशका पहाडी भू–भागमा आंशिकदेखि साधरणतया बदली रही बाँकी स्थानमा आंशिक बदलीदेखि मौसम मुख्यतया सफा रहने जनाइएको छ । राति देशभर आंशिकदेखि साधरणतया बदली रहने छ ।