ट्रकको ठक्करबाट विराटनगरमा एक जनाको मृत्यु

विराटनगर । ट्रकको ठक्करबाट विराटनगरमा एक जनाको मृत्यु भएको छ ।

विराटनगर महानगरपालिका–१८ स्थित आइसीपी नजिकै ट्रकले ठक्कर दिदा सोही स्थानका ६० वर्षीय श्याम साहको मृत्यु भएको हो ।

विराटनगरबाट आइसीपीतर्फ जाँदै गरेको ना ४ ख २४८३ नम्बरको ट्रकले सोही दिशातर्फ साइकलमा जाँदै गरेका साहलाई बिहीबार राति पौने ७ बजेतिर ठक्कर दिँदा घाइते भएका थिए । उनलाई उपचारका लागि विराट नर्सिङ होम लगिएको थियो ।

साहलाई अस्पताल पुर्याउनासाथ चिकित्सकले मृत घोषित गरेको प्रहरीले जनाएको छ । घटनापछि ट्रक चालक फरार छन् ।