काेशी प्रदेशमा बिहानैदेखि वर्षा, भोलिसम्म झरी पर्ने सम्भावना

विराटनगर । बुधबार बिहानैबाट कोशी प्रदेशका केही ठाउँमा भारी वर्षा भइरहेको छ ।

जल तथा मौसम विज्ञान विभागका अनुसार सुनसरीको तरहरा र आसपासका क्षेत्रमा भारी वर्षा भएको हो । तीन घण्टामा तरहरामा ६६.८ मिलिमिटर र मोरङको केराबारी क्षेत्रमा ५२.८ मिलिमिटर वर्षा मापन भएको विभागले जनाएको छ ।

वर्षाका कारण विभिन्न खोलामा आकस्मिक बाढीको सम्भावना रहेको भन्दै सतर्कता अपनाउन आग्रह गरेको छ । सर्दु ,सुनसरी खोला ,बूढी खोला, केशलिया खोलालगायत अन्य स–साना खोलामा आकस्मिक बाढी आउने सम्भावना रहेको विभागले जनाएको छ ।

जल तथा मौसम विज्ञान विभाग, मौसम पूर्वानुमान माहाशाखाका अनुसार आज र भोलि कोशी प्रदेशमा निरन्तर झरीको सम्भावना छ ।