वर्षा गराउन सक्ने बादल नेपालनजिक, कोशी प्रदेशमा भोलि र पर्सि झरीकाे सम्भावना

काठमाडौँ । कोशी प्रदेशमा भोलि बुधबारदेखि वर्षाको सम्भावना बढेको छ । जल तथा मौसम विज्ञान विभागको मौसम पूर्वानुमान महाशाखाले भोलि बुधबार र बिहीबार लगातार झरी पर्ने सम्भावना छ । जसको धेरै असर कोशी प्रदेशमा हुनेछ ।

वर्षा हल्कादेखि मध्यम वर्षाको सम्भावना छ । एक–दुई स्थानमा भारी वर्षाको सम्भावना छ । बागमती र गण्डकीमा सामान्य वर्षाको सम्भावना छ ।

असोज १० देखि १२ गतेसम्म लगातार परेको झरीले भिजेको जमिन सक्न नपाउँदै पुन झरी पर्ने भएकाले कमजोर पहाडी जमिनमा पहिरो जान सक्छ । झरीको समयमा यात्रा गर्दा सतर्कता अपनाउन मौसमविद्ले आग्रह गरेका छन् ।

जल तथा मौसम विज्ञान विभागको मौसम पूर्वानुमान महाशाखाले जारी गरेको नियमित बुलेटिनमा आज कोशी, बागमती र गण्डकी प्रदेशका पहाडी भूभागका थोरै स्थानहरूमा हल्कादेखि मध्यम वर्षाको सम्भावना छ ।