सरकार र प्रतिपक्षीले बोलाए छुट्टाछुट्टै सर्वदलीय बैठक

विराटनगर । अविरल वर्षापछि आएको बाढी, पहिरो, डुवानले देशभर ठूलो क्षति गरेपछि सरकार र प्रमुख प्रतिपक्षी दलले सर्वदलीय बैठक बोलाइएको हो ।

प्रमुख प्रतिपक्षी दल नेकपा (माओवादी केन्द्र) का अध्यक्ष पुष्पकमल दाहाल प्रचण्डले अविरल वर्षा, बाढी, पहिरो र त्यसबाट उत्पन्न परिस्थितिबारे छलफल गर्न बिहान १० बजे सिंहदरबारस्थित माओवादी केन्द्रको संसदीय दलको कार्यालयमा सर्वदलीय बैठक आह्वान गरेका छन् ।

कार्यवाहक प्रधानमन्त्री प्रकाशमान सिंहले दिउँसो १ बजे प्रधानमन्त्री तथा मन्त्रिपरिषद्को कार्यालय सिंहदरबारमा बस्ने गरी सर्वदलीय बैठक बोलाएका छन् ।

अविरल वर्षापछिको बाढीपहिरो एवं विपद्, उद्धार, धनजनको क्षति र राहतका विषयमा छलफल गर्न सर्वदलीय बैठक आह्वान गरेको सरकार र प्रतिपक्षी दलले बताएको छ ।