विराटनगरकाे मुनालपथकाे पसलमा आगलागी

विराटनगर । विराटनगर महानगरपालिका–२ मुनालपथमा आगलागी भएको छ ।

इलेक्ट्रिक साइकल र सीटी सफारी बिक्री गरिने पसलमा दिउँसो करिब २ बजेतिर आगलागी भएको हो ।

बिजुलीबाट चल्ने साइकल तथा सफारी बिक्री गरिँदै आएको भाबिया इन्टरनेशनलमा आगलागी भएको प्रहरीले जनाएको छ ।

भाबिया इन्टरनेशनलसँगै बजाजको सो–रुम पनि छ । आगोले इलेक्ट्रिक पसल पूर्णरूपले जलेको छ । सो–रुममा पनि क्षति पुगेको छ । दमकलको सहयोगमा प्रहरी र स्थानीयले आगो नियन्त्रणको प्रयास गरिरहेका छन् ।