हिरासतबाट ८ थुनुवा फरार

जनकपुरधाम । धनुषामा प्रहरी हिरासतमा रहेका ८ जना थुनुवा फरार भएका छन् । जिल्ला प्रहरी कार्यालय धनुषाको भेन्टिलेशन फोडेर राति ८ जना थुनुवा फरार भएका हुन् ।

लागूऔषध मुद्दाका अमितकुमार झा, रंजित मण्डल, रोशनकुमार मण्डल, अभास्कर कुमार यादव, विशाल मुखिया र अभद्र व्यवहारमा पक्राउ परेका मनिष मण्डल र बिक्की कार्की र एक जना नाबालक फरार भएको प्रहरीले बताएको छ ।

धनुषाका प्रमुख जिल्ला अधिकारी रामुराज कडरियाले आठजना थुनुवा हिरासतबाट भागेको जानकारी आएको बताए ।