संयुक्त राष्ट्र संघबाट प्यालेस्टाइनको पक्षमा प्रस्ताव पारित, नेपाल तटस्थ

काठमाडौं । संयुक्त राष्ट्र संघको महासभाबाट प्यालेस्टिनी भूभागबाट इजरायल हट्नुपर्ने प्रस्ताव बहुमतले पारित भएको छ । यो प्रस्तावमा मतदान हुँदा नेपाल भने तटस्थ बसेको थियो ।

प्यालेस्टाइनले राखेको प्रस्तावको पक्षमा रुस, चीन, फ्रान्स, बंगलादेश, भुटान, श्रीलंका, पाकिस्तान, माल्दिभ्स सहित १२४ देश उभिएका थिए । अमेरिकासहित १४ देशले विपक्ष उभिए । नेपाल भारत, बेलायतसहित ४३ देश तटस्थ बसेका थिए ।

नेपालको श्रम सम्बन्ध इजरायलसँग छ । विद्यार्थीहरु कृषि विषय पढ्दै कमाउँदै गर्नका लागि इजरायल जाने गरेका छन् । गत ७ अक्टुबरमा प्यालेस्टिनी भूमिबाट इजरायलमा प्रवेश गरेका हमासका लडाकुहरुले आक्रमण गर्दा १० नेपालीसहित १ हजार २०० जनाको मृत्यु भएको थियो ।