काेशी प्रदेशका मुख्यमन्त्रीले पाए विश्वासको मत

विराटनगर । कोशी प्रदेशका मुख्यमन्त्री हिक्मतकुमार कार्कीले विश्वासकाे मत पाएका छन् । बुधबार  प्रदेश प्रदेशसभा बैठकमा मतविभाजन कार्कीले विश्वासकाे मत पाएका हुन् ।

मुख्यमन्त्रीले विश्वासकाे मत मागेपछि  मत विभाजन हुँदा कार्कीको पक्षमा ६६ मत खसेको छ । ९३ सदस्यीय प्रदेशसभामा बहुमतका लागि ४७ मत चाहिन्छ । कांग्रेस एमालेले समर्थन गरेपछि कार्कीले ६६ मत प्राप्त गरेका हुन् ।

बुधबार मत विभाजनका लागि बालाइएको बैठकमा ८३ सांसद उपस्थीत भएका थिए । जसमा कार्कीको पक्षमा ६६ मत खस्यो, विपक्षमा १५ मत खसेको सभामुख अम्बरबहादुर विष्टले जानकारी दिए । दुई सांसद मत विभाजन प्रक्रियामा सहभागी भएनन् ।

गत २७ बैशाखमा संविधानको धारा १६८ को उपधारा ५ अनुसार मुख्यमन्त्री बनेका कार्कीले ३१ बैशाखमा विश्वासको मत लिएका थिए । तर सरकारलाई समर्थन गरेको माओवादी केन्द्रले ११ साउनमा सरकार छाडेर १४ भदौंमा समर्थन फिर्ता लिएपछि मुख्यमन्त्री कार्कीले विश्वासको मत परीक्षण गरेका हुन् । सरकारमा सहभागी दलले समर्थन फिर्ता लिए ३० दिन भित्र विश्वासकाे मत परीक्षण गर्नु पर्ने प्रावधान भएकाले उनले विश्वासकाे मत लिएका हुन् ।