मिस्टर काठमाडौं जितेको तीन दिनपछि प्रकाश राईको मृत्यु

विराटनगर । शनिबार काठमाडाैंमा सम्पन्न पाँचौं खुला मिस्टर काठमाडौं शारीरिक सुगठन प्रतियोगिताकाे विजेता प्रकाश राईको निधन भएको छ। उनी मोरङको पथरी शनिश्चरे नगरपालिका– १ का बासिन्दा हुन् ।

शनिबार काठमाडौंको दशरथ रंगशालास्थित कभर्ड हलमा भएको प्रतियोगितामा उनी विजेता बनेका थिए । बुधबार बिहान उनको निधन भएको प्रहरीले जनाएको छ।

मिस्टर काठमाडौँमा उनी फोनिक्स फिटशालाबाट सहभागी भएका थिए । प्रतियोगिताका लागि पुगेका उनी टोखा नगरपालिका– ६ स्थित ग्रिनल्यान्ड होटलमा बसेका थिए ।

बुधबार बिहान एक्कासी लडेपछि उनलाई उपचारका लागि ग्रान्डी अस्पताल लगिएको थियो । उपचारको क्रममा पौने ७ बजे चिकित्सकले मृत घोषणा गरेका थिए । उनको मृत्युको कारण खुलिनसकेको प्रहरीले जनाएको छ ।