राजेन्द्र महतोकाे नेतृत्वमा बन्याे राष्ट्रिय मुक्ति क्रान्ति नेपाल पार्टी

काठमाडौं । लोकतान्त्रिक समाजवादी पार्टी (लोसपा)बाट अलग पूर्वमन्त्री राजेन्द्र महतोले नयाँ पार्टी घोषणा गरेका छन् ।

उनले राष्ट्रिय मुक्ति क्रान्ति नेपाल पार्टीको घोषणा गरेका हुन् । सो पार्टीको अध्यक्ष महतो हुन् । अन्य पदाधिकारीको टुङ्गो लागेको छैन ।

लोसपाबाट अलग भएपछि महतोले राष्ट्रिय मुक्ति क्रान्तिको नाममा अभियान चलाएका थिए । अभियानको मंगलबार सुरु भएको राष्ट्रिय समिति बैठकले महतोको अध्यक्षतामा दल दर्ता गर्ने निर्णय गरेको हो ।

केशव झाका अनुसार पार्टीको पदाधिकारीहरु टुङ्गो लाग्न बाँकी छ । पदाधिकारी र पार्टीको संरचना टुंग्याएपछि दल दर्ता गरिने उनले बताए । बैठकले निर्वाचन आयोगमा दल दर्ता गराउने सम्पूर्ण अधिकार अध्यक्ष महतोलाई दिएको छ ।