दाेस्राे पटक विश्वासकाे मत लिदै काेशीका मुख्यमन्त्री

विराटनगर । कोशी प्रदेशका मुख्यमन्त्री हिक्मत कार्कीले असोज २ गते पुन विश्वासको मत लिने भएका छन् ।  नेकपा माओवादी केन्द्रले भदौ १४ मा समर्थन फिर्ता लिएपछि कार्कीले तेस्रो पटक मुख्यमन्त्री भएपछि दोस्रो पटक विश्वासको मत लिन लागेका हुन् ।

माओवादी समर्थनमा बैशाख २७ गते मुख्यमन्त्री बनेका कार्कीले पहिलो पटक बैशाख ३१ गते विश्वासको मत लिएका थिए । गत असार १७ मा एमाले–कांग्रेस गठबन्धन बनेपछि साउन ११ मा माओवादी सरकार छाडेर प्रतिपक्षमा बसेकाे थियाे । भदौ १४ मा माओवादीले सरकारलाई दिएको समर्थन फिर्ता लिएपछि कार्कीले विश्वासकाेे मत लिन लागेका हुन् ।

सरकारलाई समर्थन गरेकाे दलले समर्थन फिर्ता  लिएकाे ३० दिन भित्र विश्वासको मत लिनुपर्ने संवैधानिक बाध्यताका कारण उनले विश्वासको मत लिन लागेका हुन् । प्रदेशसभामा कार्कीको पक्षमा दुई तिहाइ बहुमत छ ।

संविधानको धारा १६८ को उपधारा ५ अनुसार मुख्यमन्त्री बनेका कार्कीको दलसँग ४० सांसद छन् । सत्ता घटक का‌ंग्रेसका २९ सांसद छन् । प्रदेशमा बहुमतका लागि ४७ जना आवश्यक पर्छ ।

९३ सदस्यीय कोशी प्रदेशसभामा १३ सांसद रहेको माओवादी केन्द्र , ६ सांसद रहेको राप्रपाका, ४ सांसद रहेको नेकपा एकीकृत समाजवादीका ४ र एक सांसद रहेको जसपा प्रतिपक्षमा छन् ।