दुई महिनामा देखियो एक हजार बढीमा डेङ्गु

विराटनगर । कोशी प्रदेशमा डेङ्गुको संक्रमण बढ्दै गएको छ । साउनयता १ हजार १ सय ७३ जनामा डेङ्गुको संक्रमण देखिएको छ । संख्या निरन्तर बढ्दो छ ।

कोशी प्रदेश स्वास्थ्य निर्देशनालय धनकुटाका अनुसार झापा, मोरङ र सुनसरीमा डेङ्गु संक्रमण बढी देखिएको छ ।

सबैभन्दा बढी मोरङमा ५ सय ३३ जनामा डेङ्गु देखिएको छ । सुनसरीमा १ सय ५५ र झापामा १ सय २८ जना डेङ्गु संक्रमित भेटिएका छन् ।

पहाडी जिल्लाहरू संखुवासभा, धनकुटा, भोजपुर, उदयपुर, पाँचथरलगायतका जिल्लाहरूमा पनि  डेङ्गुको संक्रमण देखिएको छ ।

गत वर्ष कोशी प्रदेशमा ३८ हजार ३ सय ८४ मानिसहरू डेङ्गुबाट संक्रमित भएका थिए ।

स्वास्थ निर्देशनालयका निर्देशक ज्ञानबहादुर बस्नेतले डेङ्गु संक्रमणलाई नियन्त्रण गर्न प्रदेश सरकारले काम गरिरहेको जानकारी दिए ।