सुन्दरहरैँचामा जंगली हात्तीको बथानले घर भत्कायो

विराटनगर । मोरङको सुन्दरहरैँचामा शनिबार राति जंगली हात्तीको हुलले एउटा घर भत्काएको छ ।

सुन्दरहरैँचा नगरपालिका–९ कैरी टोलमा राति ११ः३० बजेतिर ६–७ वटाको संख्यामा हात्ती देखा परेको थियो । हात्तीको बथान गाउँ छिरेर स्थानीय रहरमान राईको इँटाको घेराबारा र टिनको छानो भएको १ तले घर भत्काइदिएको प्रहरीले जनाएको छ ।

प्रहरीका अनुसार राईको घरको पूर्वतर्फको भाग भत्काएर हात्तीले क्षति पुर्याएको छ ।

हात्तीले घर भत्काउँदा ६० हजार मूल्य बराबरको क्षति भएको छ । प्रहरी, वन कर्मचारी र स्थानीयको सहयोगमा हात्तीलाई राति १२ बजेतिर जंगलतर्फ धपाइएको थियो ।