केदार कार्की अनशन बस्ने क्षेत्रमा स्थानीय प्रशासनको निषेधाज्ञा

विराटनगर। १० वर्ष मुनीका बालबालिकाको निशुल्क उपचारको मागसहित कोशी प्रदेशका पूर्वमुख्यमन्त्री केदार कार्कीले अनशन बस्ने तयारी गरेको स्थानलाई निषेधित क्षेत्र घोषणा गरेको छ ।

केदार कार्की आज ४ बजेबाट प्रदेशसभा सचिवालय आसपास अनशन बस्दैछन् ।

कार्कीको अनशनलाई रोक्नका लागि दिउँसो साढे १ बजे सूचना प्रकाशन गर्दै जिल्ला प्रशासन कार्यालय मोरङले आज दिउँसो ३ बजेदेखि लागु हुने गरी निषेधित क्षेत्र तोकेको हो ।

प्रदेशसभा सचिवालय आसपास देवकोटा चोकदेखि अस्पताल चोकसम्म, मुख्यमन्त्री तथा मन्त्रीपरिषद् कार्यालय आसपास, मुख्यमन्त्री निवासको ३०० मिटर वरपर, प्रदेश प्रमुखको कार्यालय र निवास आसपास ३०० मिटर र जिल्ला प्रशासन कार्यालय आसपास निषेधित क्षेत्र घोषणा गरेको जिल्ला प्रशासन कार्यालयले जनाएको छ ।