सुनबर्सीमा बालबालिका खेलिरहेका ठाउँमा चट्याङ पर्यो, १ जनाको मृत्यु

विराटनगर । मोरङमा चट्याङ लागेर एक जनाको मृत्यु भएको छ । एक जना घाइते भएका छन् ।

सुनवर्षी नगरपालिका–९ मुस्लिम टोलका हमिद आलमका छोरा ११ वर्षीय सोफियन आलम मियाँको मृत्यु भएको हो ।

राजाबुल आलमकी छोरी ८ वर्षीया नजारा खातुन घाइते भएको प्रहरीले जाएको छ । उनीहरु खेलीरहेको अवस्थामा चट्याङ परेको थियो ।

मोरङ प्रहरीका प्रवक्ता डीएसपी ज्ञानेन्द्रबहादुर बस्नेतका अनुसार राजाबुलको घरपछाडि रहेको कटहरको रुखमुनि बालबालिका खेलिरहेका थिए । त्यहीबेला दिउँसो २ बजेतिर चट्याङ परेको थियो ।

चट्याङ लागेर बेहोस भएका सोफियनलाई उद्धार गरेर रंगेली अस्पताल ल्याइएको थियो । उपचारका क्रममा दिउँसो २ः४५ बजेतिर उनलाई चिकित्सकले मृत घोषित गरेका थिए । नजाराको अवस्था सामान्य छ ।