प्रचण्ड भन्छन्, ‘माओवादी सरकार बनाउने खेलमा लाग्दैन, पार्टी निर्माणमा छ’

विराटनगर । पूर्वप्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले आफू पार्टी बनाउने अभियानमा केन्द्रीत भएको बताएका छन् । विराटनगर विमानस्थलमा आइतबार बिहान संचारकर्मीसँग कुरा गर्दै उनेल पार्टी निर्माणको अभियानमा केन्द्रीत भएको बताए ।

‘हामी सरकार नभइ पार्टी बनाउनेतिर केन्द्रित छौं,’ उनले भने, ‘अहिले माओवादी सरकार बनाउने खेलमा लाग्दैन ।’

‘ओवादीलाई सरकार हैन, पार्टी बनाउनेमा केन्द्रित रहेको उल्लेख गर्दै प्रचण्डले र देशभरि प्रदेश–प्रदेशमा गएर परामर्श बैठक गरिएको बताए । माओवादीलाई सरकार हैन, पार्टी बनाउनेमा केन्द्रित रहेको उल्लेख गर्दै प्रचण्डले र देशभरि प्रदेश–प्रदेशमा गएर परामर्श बैठक गरिएको बताए । ‘उहाँहरुले पार्टी पुनःनिर्माण गर्ने राम्रो अवसर दिनु भयो । पार्टी बनाउनेतिर लाग्छौं । सरकार बनाउनेतिर ध्यान छैन,’ दाहालले भने ।

उनले प्रधानमन्त्री केपी शर्मा ओलीको कार्यशैली असभ्य भएको बताए । केही दिनअघि प्रधानमन्त्री ओलीले प्रचण्डको अभिव्यक्ती असभ्य भएको बताएका थिए । ‘को सभ्य को असभ्य भन्ने कुरा तपाईहरुले सुनिरहनुभएको छ नि, मैले त प्रतिनिधिसभामा नै भनेको थिए यति झुट, बेइमानी अनैतिकता, जालझेलको तरिकाले अपनाउनुभयो नि उहाँले (प्रधानमन्त्रीले) मैले बोलेको के असभ्य भयो र ?’ उनले भने,‘ उहाँले गर्दा असभ्य नहुने, मैले असभ्य गर्नुभयो उहाँले भन्दा असभ्य हुन्छ र ?’

उनले कांग्रेससँग मिलेर माओवादीले सरकार बनाउने हल्ला गलत भएको उल्लेख गरे ।