प्रकाश तामाङका लागि बन्दैछ पाँच काेठे घर

भोजपुर । घरबाट हराएको तीन दशकपछि परिवारको सम्पर्कमा आएका भोजपुरका प्रकाश तामाङका लागि घर निर्माण शुरू भएको छ ।

युट्युब च्यानल ‘हेर्ने कथा’ मार्फत परिवारको सम्पर्कमा आएका प्रकाशका लागि भोजपुरको षडानन्द नगरपालिका–१० साम्पाङमा घर निर्माण सुरु भएको हो ।

प्रकाशका लागि निर्माण हुने घरको पूर्वमन्त्री एवम् सांसद सुदन किराती र भूतपूर्व गोर्खा सैनिक सङ्घका अध्यक्ष कृष्णकुमार राईसँगै प्रकाशका बुबाआमाले संयुक्तरूपमा शिलान्यास गरे ।

गेसोका अध्यक्ष राईले आफ्नो पुर्ख्यौली सात रोपनी जग्गा प्रकाशलाई घर निर्माण गर्न दिएका छन् । सो जग्गामा माओवादी केन्द्र षडानन्द नगर कमिटीको अगुवाइमा पाँच कोठे घर निर्माण सुरु भएको हो ।