आज पनि बढ्यो सेयर बजार, साढे १३ अर्बको कारोबार

विराटनगर । सोमबार १२७ अंकले बढेको सेयर बजार मंगलबार पनि बढेको छ । आज नेप्से परिसूचक ६.९४ अंकले बढेर २८३० अंक पुगेको हो ।

परिसूचकसँगै कारोबार रकम पनि बढेको छ । आज १३ अर्ब ५७ करोडको कारोबार भएको छ । सोमबार १३ अर्ब १० करोडको कारोबार भएको थियो ।

आज कुल १०६ कम्पनीको मूल्य बढ्दा १३३ को घट्यो भने ५ को स्थिर रह्यो । आज निर्जीवन बीमा समूहमा ४.७८ प्रतिशत बढ्यो । जीवन बीमा समूह २.२८ प्रतिशत, विकास बैंक १.३२, होटल तथा पर्यटन ०.६५ माइक्रोफाइनान्स ०.३६ प्रतिशत बढेको छ ।