युरोपमा बढ्न थाल्याे गर्मी, एक वर्षमा ४७ हजारको मृत्यु

विराटनगर । चिसो मानिने युरोपेली मुलुकमा पनि गर्मीका कारण मासिनको ज्यान जान थालेको छ । चिसो रहने युरोपमा जलबायु परिवर्तनको असरका कारण तापक्रम बढ्दो छ । तापक्रम बढ्दा मानिसको मृत्यु हुने क्रम बढेको एक अध्ययनले देखाएको छ ।

बार्सिलोना इन्स्टिच्युट फर ग्लोबल हेल्थ (आईएसग्लोबल) सँग सम्बद्ध अनुसन्धानकर्ताहरूको नेतृत्वमा गरिएको अध्ययनले एक वर्षमा युरोपमा ४७ हजार बढी मानिसको मृत्यु अत्याधिक गर्मीका कारण भएको थिययो । यो गत वर्षको अध्ययनको निष्कर्ष हो । अध्ययनका क्रममा ४७ हजार ६९० जनाको ज्यान गुमाएको देखिएको थियो ।

अध्ययनको नतिजा नेचर मेडिसिन नामक अन्तर्राष्ट्रिय जर्नलमा प्रकाशित छ ।

अध्ययनले सन् २०२२ मा अत्यधिक गर्मीका कारण ६० हजार भन्दा बढीको मृत्यु भएको देखाएको थियो । अध्ययनमा अन्वेषकहरूले ३५ युरोपेली देशका ८२३ क्षेत्रको तापक्रम र मृत्युको रेकर्ड जाँच गरेका थिए ।

अनुसन्धानका अनुसार सन् २०२३ मा युरोपमा ४७ हजार ६९० गर्मीका कारण मृत्यु भएकामध्ये अधिकांशको वर्षको सबैभन्दा तातो समय अर्थात् मे २९ देखि अक्टोबर १, २०२३ बीचमा भएको थियो । अध्ययनको तथ्यांकअनुसार यसको सबैभन्दा ठूलो प्रभाव दक्षिणी युरोपेली देशहरूमा परेको छ ।

अध्ययनमा महिला र वृद्धवृद्धाहरू अत्यधिक गर्मीमा सबैभन्दा बढी प्रभावित भएको देखिएको थियो । सन् २००० पछि युरोपमा तापक्रम बढेको छ ।