१२७ अंक बढ्यो नेप्से, १३ अर्ब कारोबार

काठमाडौं । सेयर बजार मापन परिसूचक नेप्से एकै दिन १२७ अंकले बढेको छ । आइतबार उच्च गिरावट भएको नेप्से सोमबार १२७ अंकले वृद्धि भएपछि नेप्से २८२३ पुगेको छ ।

आइतबारको तुलनामा सोमबार कारोबार रकम पनि बढेको छ । आइतबार १० अर्ब ५१ करोडको कारोबार भएको थियो । सोमबार १३ अर्ब १० करोडको कारोबार भएको छ ।

आज सबै क्षेत्रका सूचक बढेका छन् । सबैभन्दा धेरै फाइनान्स समूहको सूचक बढ्दा बैंकिङ ४.७३, विकास बैंक ४.९९, फाइनान्स ७.९४, होटल तथा पर्यटन ४.९२, हाइड्रोपावर ५.३६, लगानी ५.४५, जीवन बीमा ४.६९, उत्पादन ३.३३, माइक्रोफाइनान्स ३.३३, निर्जीवन बीमा ४.८१, अन्य ४.१४ प्रतिशतले बढेको छ ।