कटहरीको जुट मिल्समा आगलागी

विराटनगर । मोरङको कटहरीमा रहेको श्री पशुपति जुट मिल्समा आगलागी भएको छ ।

सोमबार दिउँसो कटहरी गाउँपालिका ४ मा रहेको श्री पशुपति जुट मिल्समा आगलागी भएको हो । दमकलको सहयोगमा आगो करिब  डेढ घण्टापछि नियन्त्रणमा लिइएको थियो ।

आगलागीबाट मिल्सको कच्चा पदार्थ जुट जलेको जुट मिल्सका प्रवन्ध निर्देशक अमित जैनले जानकारी दिए ।

आगलागीको कारण भने खुल्न नसकेको बताउँदै उनले भने,‘ मेसिन चलिरहेको बेला आगो लागेको हो, सर्ट सर्किट भएर  हुनसक्छ ।’

आगलागीबाट ३० लाख हाराहारीको क्षति भएको उनले बताए । आगोले दुई वटा ब्रेकर मेसिनमा पनि क्षति पुगेको छ ।