दुई रुपैयाँ घट्यो पेट्रोलको मूल्य

विराटनगर । नेपाल आयल निगमले पेट्रोलियम पदार्थको मूल्य घटाएको छ ।

आज रातिबाट लागू हुनेगरि पेट्रोलमा प्रतिलिटर २ रुपैयाँ मूल्य घटाएको हो । त्यस्तै मट्टीतेल र डिजलमा प्रतिलिटर एक रुपैयाँ मूल्य घटेको निगमले जनाएको छ ।

आन्तरिक हवाई इन्धनतर्फ प्रतिलिटर ५ रुपैयाँ तथा अन्तर्राष्ट्रिय हवाई इन्धनतर्फ प्रति किलोमिटर ३७ डलर मूल्य घटाइएको छ ।

खाना पकाउने एलपी ग्यासको मूल्य भने यथावत् नै छ ।