प्रकाश तामाङलाई मुख्यमन्त्रीको फोन : सहयोग गर्छु’

विराटनगर । कोशी प्रदेशका मुख्यमन्त्री हिक्मतकुमार कार्कीले भोजपुरका प्रकाश तामाङलाई फोन गरेर सहयोग गर्ने आश्वासन दिएका छन् ।

साढे तीन दशक बढी घरपरिवारबाट अलग भएका उनी घर फर्किएका छन् । नागरिकता बनाउनेगरी भोजपुरको षडानन्द नगरपालिका फर्किएका प्रकाशलाई मुख्यमन्त्री कार्कीले शनिबार फोन गरेर सहायोग गर्ने आश्वासन दिएका हुन् ।

‘जे अनुकुल हुन्छ, त्यसमा सहयोग हुन्छ । विराटनगर आउनुहोस्, जे गर्नु हुन्छ, सहयोग दिलाइदिन्छु’ मुख्यमन्त्री कार्कीले भने ।

प्रकाशले आफूले जानेको पशुपालन भएकाले त्यही गर्ने बताए । मुख्यमन्त्री कार्कीले पशुपालनका लागि सहयोग गर्ने बताए ।

हेर्ने कथा नामक च्यानलमा प्रकाशको कथा आएपछि अहिले उनी चर्चामा छन् । झापाबाट काठमाडौँ हुँदै बेपत्ता भएका प्रकाश गोरखाको हिमाली क्षेत्रमा ३५ वर्ष बसेका थिए । परिवार पत्ता लागेपछि प्रकाश भोजपुर फर्किएका छन् ।