साफ च्याम्पियनसिपको सेमिफाइनलमा भुटानसँग खेल्दै नेपाल

काठमाडाैँ । साफ यु – २० च्याम्पियनसिपको सेमिफाइनलमा नेपालले भुटानसँग खेल्दैछ । घरेलु मैदानमा जारी प्रतियोगितामा फाइनल प्रवेशका लागि नेपालले भुटानसँग खेल्न लागेको हो । खेल सातदोबाटोस्थित एन्फा कम्प्लेक्स मैदानमा दिउँसो ३ बजे सुरु हुनेछ ।

घरेलु मैदानमा च्याम्पियन बन्ने लक्ष्य राखेको नेपाल समूह ए मा दुवै खेल जित्दै समूह विजेता बन्दै सेमिफाइनल प्रवेश गरेको हो । भुटान समूह बी को उपविजेता बन्दै अन्तिम चारमा पुगेको हो ।

सन् २०१५ मा नेपालबाट साफ यु – १९ च्याम्पियनसिपको नामबाट सुरु भएको प्रतियोगिताको दुई संस्करणमा च्याम्पियन बनेको नेपाल तेस्रोपटक सेमिफाइनल खेल्दैछ । भुटान पनि तेस्रोपटक सेमिफाइनल खेल्दैछ । यसअघिको दुवै सेमिफाइनलमा भुटान पराजित भएको थियो । यसपटक भुटान इतिहास रच्दै फाइनल पुग्ने लक्ष्यमा छ ।