तनहुँमा भारतीय बस दुर्घटना हुँदा १४ जनाको मृत्यु

काठमाडौँ । तनहुँमा भारतीय नम्बर प्लेटको बस दुर्घटना हुँदा १४ जनाको मृत्यु भएको छ ।

तनहुँको आँबुखैरेनीस्थित ऐना पहाराबाट मर्स्याङ्दी नदीमा बस खसेको थियो । दुर्घटना स्थलबाट १६ जना घाइतेको उद्धार गरेको प्रहरीले १४ वटा शव पनि निकालेको छ ।

घटनास्थलबाट १४ वटा शव बाहिर निकालिएको सशस्त्र प्रहरीका सहप्रवक्ता तथा डीएसपी शैलेन्द्र थापाले जानकारी दिए ।

शुक्रबार बिहान पोखराबाट काठमाडौंका लागि छुटेको यूपी ५३ एफटी ७६२३ नम्बरको बस तनहुँको ऐनापहरा भन्ने स्थानबाट मर्स्याङ्दी नदीमा खसेको थियो ।

बसमा चालक, सहचालकसहित ४३ जना थिए ।