भारतको उत्तराखण्डमा पहिरो, चार नेपालीको मृत्यु 

विराटनगर । भारतको उत्तराखण्ड राज्यमा चार नेपालीको मृत्यु भएको छ ।

केदारनाथ नजिकै पहिरोमा परी चार नेपालीको मृत्यु भएको हो । उनीहरु कामका लागि सो ठाउँमा पुगेको भारतीय प्रहरीलाई उदृत गर्दै पिटिआईले जनाएका छन् । 

बिहीबार राति परेको अविरल वर्षाका कारण केदारनाथ नजिक रहेको वर्षाको पानी जम्मा गर्ने खाट गडेर नजिकै पहिरोमा पुरिएर  तुल बहादुर, पूर्ण नेपाली, किशन परियार र चीकु बोहराको मृत्यु भएको स्थानीय प्रहरीले बताएको छ ।

मुसलधारे वर्षाका कारण घटनास्थलसम्म जेसीबी मेसिन पुर्याउन नसकिने स्थिति थियो । उद्धारकर्ताले खनेर चार वटै शवलाई भग्नावशेषबाट निकालेका छन् ।