मुला लोड भएको ट्रकमा १४ सय किलो गाँजा

विराटनगर । सुनसरीको धरानबाट प्रहरीले एक हजार चार सय २० किलो गाँजासहित दुई जनालाई पक्राउ गेको छ । धनकुटाबाट धरान तर्फ आउँदै गरेको ट्रकमा लोड गरिएको एक हजार चार सय २० किलो गाँजा बरामद गरेको हो ।

गाँजासहित प्रहरीले मोरङको सुन्दर हरैचा नगरपलिका– ७ गछियाका ३४ वर्षीय राजकुमार दाहाल र धनकुटाको सहिदभुमी गाउँपालिका–७ का ४१ बर्षीय भुपेन्द्र राईलाई नियन्त्रणमा लिएको हो

प्रहरीका अनुसार आज बिहान करिब ९ बजे मुला लोड भएको को १ ख ४७३३ ट्रक गाँजा फेला परेको हो । बरामद भएको गाँजा ४४ बोरा छ ।

गाँजा बरामद गरेर ट्रक नियन्त्रणमा लिएको प्रहरीले दुवै जनामाथि अनुसन्धान सुरु गरेको छ । पक्राउ परेका दुई जनाविरुद्ध लागूऔषध ऐनअन्तर्गतको मुद्दा चलाउने प्रहरीको तयारी छ ।