घरेलु मैदानमा नेपालकाे विजयी सुरुवात

काठमाडौं ।  साफ यू-२० च्याम्पियनसिपमा नेपालले  विजयी सुरुवात गरेको छ ।

घरेलु मैदानमा आज देखि सुरु खेलमा श्रीलंकालाई पराजित गर्दै नेपालले विजयी सुरुवात गरेकाे हाे ।

नेपालकाे जितमा निराजन धामीले निर्णायक गाेल गरे । नेपालले खेफमा गोल गर्ने अन्य राम्रा अवसर हरु बनाएपनि सदुपयोग गर्न सकेन ।

सातदोबाटोस्थित एन्फा कम्प्लेक्समा भएको खेलमा निराजन धामीले २४औ मिनेटमा गोल गर्दै नेपाललाई अग्रता दिलाएका थिए ।

पहिलो हाफको इन्जुरी टाईमको तेस्रो मिनेटमा श्रीलंकाका मोहमेद थिलहामले पेनाल्टी बक्स बाहिरबाट हानेको प्रहार नेपालका गोलकिपर जियारथ शेखले बचाएका थिए ।

दोस्रो हाफमा नेपालले गोल गर्ने राम्रो अवसर गुमाएको थियो । समिर तामाङ, अश्विन घोरासैनी र अनिल बम्जनले गोल गर्न चुकेका थिए ।

नेपालले आफ्नो समूहको दोस्रो खेल २२ अगष्टमा बंगलादेशसँग खेल्नेछ । त्यसअघि बंगलादेश र श्रीलंकाबीच खेल हुनेछ । च्याम्पियनसिपमा पाकिस्तान बाहेक दक्षिण एसियाको ६ टोली सहभागित छन् ।