सोलुखुम्बुको थामे गाउँमा भीषण बाढी

विराटनगर । सोलुखुम्बुको थामे गाउँमा भीषण बाढी आएको छ । दूधकोशी नदीको सहायक थामे खोलामा शुक्रबार दिउँसो बाढी आएको हो ।

बढीले खुम्बु पासाङल्हामू गाउँपालिका वडा– ५ मा पर्ने थामे गाउँ प्रभावित भएको छ । जिल्ला प्रहरी कार्यालय सोलुखुम्बूका प्रमुख प्रहरी नायव उपरीक्षक द्वारिका प्रसाद घिमिरेका अनुसार बाढीले केही घर बगाएको छ । मानविय क्षतिको विवरण नआएको उनले बताए ।

केही दिनदेखि सो क्षेत्रमा वर्षा भइरहेको थियो । तर आज एक्कासी ठूलो बाढी आएको हो । माथिल्लो भेगमा रहेको हितताल फुटेर बाढी आएको हुनसक्ने स्थानीयको आशंका छ ।

स्थानीय थामे खोलामा आएको बाढीले गाउँ डुबानमा परेको वडाध्यक्ष पासाङ ग्याल्जेन शेर्पाले जानकारी दिए । उनका अनुसार थामे गाउँमा ४५ घरधुरी छन् ।