३१ महिनापछि २९ सयमाथि नेप्से, कारोबारमा नयाँ रेकर्ड

विराटनगर । सेयर बजारमा सोमबार २७ अर्ब २४ करोड रूपैयाँको कारोबार भएको छ ।यो हालसम्मकै उच्च कारोबार हो । आइतबार २५ अर्ब ७७ करोड रूपैयाँको कारोबार भएको थियो ।

आज नेप्से परिसूचक पनि करिब ३१ महिनापछि २९ सय अंक कटेको छ । आज नेप्से परिसूचक ७०.६७ अंकले बढेर २९३१.५२ विन्दुमा पुगेको छ । यसअघि नेप्से २०७८ माघ ४ गते २९३६ विन्दुमा थियो ।

आज छ करोड ४८ लाख ७६ हजार २१७ कित्ता सेयर किनबेच भएको छ । १७१ कम्पनीको सेयर मूल्य बढेको छ भने ६८ वटाको घटेको छ। यस्तै तीन कम्पनीको मूल्य स्थिर रहेको छ।