२८६० अंकमा नेप्से, कारोबारमा नयाँ रेकर्ड

काठमाडौं । सेयर बजारकाे कारोबारमा नयाँ रेकर्ड कायम भएको छ ।

साताको पहिलो दिन आइतबार नेप्से २८६० अंकमा पुग्दा २५ अर्ब ७७ करोड रुपैयाँ बराबरको कारोबार भएको हाे । यो कारोबार रकम हालसम्मकै उच्च हो । यसअघि २२ साउनमा २३ अर्ब ७१ करोडको  उच्च  कारोबार भएको थियो ।

अघिल्लो दिनको तुलनामा नेप्से परिसूचक ९४.४६ अंक बढेर २८६० अंकमा कायम भएको छ ।

आज २२५ कम्पनीको मूल्य बढ्दा १५ को घटेको छ । २ कम्पनीको कारोबार स्थिर छ ।