इटहरीमा नाबालिकाको हत्या, काका पक्राउ

विराटनगर । इटहरी उपमहानगरपालिका–५ पचरुखीमा डेढ वर्षीया नाबालिकाको विभत्स हत्या गरेको आरोपमा प्रहरीले एक युवकलाई पक्राउ गरेको छ ।

डेढ वर्षीया आइन्सु लुइँटेलको हत्या आरोपमा ३०वर्षीय शालिग्राम लुइँटेललाई प्रहरीले पक्राउ गरेको हो। उनीहरु काका भतिजी हुन् ।

डिप्रेशनको औषधि सेवन गरिरहेका लुइटेलले शनिबार भतिजीको घाँटी र टाउकोमा ब्लेडले चिरेर विभत्स हत्या गरेको प्रहरीले जनाएको छ । घटनास्थलबाट हत्यामा प्रयोग गरिएको ब्लेड सहित लुइँटेललाई प्रहरीले पक्राउ गरेको छ ।

हत्यामा संलग्न भएको आरोपमा पक्राउ परेका लुइँटेल केही वर्ष अघिदेखि डिप्रेसनको औषधि सेवन गरिरहेको प्रारम्भिक अनुसन्धानबाट खुलेको इलाका प्रहरी कार्यालय इटहरीले जनाएको छ ।

घटनाबारे प्रहरीले अनुसन्धान गरिरहेको छ ।