भारतीय विदेश सचिव नेपाल आउँदै

काठमाडौं । भारतका विदेश सचिव विक्रम मिश्री आज नेपाल आउँदै छन् । दुईदिने भ्रमणका लागि उनी नेपाल आउन लागेका हुन् ।

नेपालमा कांग्रेस–एमालेको गठबन्धनको सरकार बनेपछि भारतको यो पहिलो उच्चस्तरीय भ्रमण हो । उनी परराष्ट्र सचिव सेवा लम्सालको निमन्त्रणमा नेपाल आउन लागेका हुन् ।

नेपाल भ्रमणका क्रममा उनले नेपाल–भारतको सम्बन्ध विस्तार र द्विपक्षीय सहमतिका विविध विषयमा छलफल गर्नेछन् ।

भारतस्थित विदेश मन्त्रालयले मिश्रीको यो भ्रमणबाट नियमित उच्चस्तरीय आदानप्रदानको परम्परालाई निरन्तरता दिएको र ‘छिमेकी पहिलो नीति’ अन्तर्गत भारतले नेपालसँगको सम्बन्धलाई दिएको प्राथमिकतालाई प्रतिबिम्बित गर्ने जनाएको छ ।