विद्युतीय नगर बस सञ्चालन गर्दै इटहरी

विराटनगर । इटहरी उपमहानगरपालिकाले नगरबस सञ्चालनका लागि चार वटा बस ल्याएको छ ।

नगर बस सञ्चालनका लागि ६ करोड ३६ लाख ८६ हजार रुपैयाँमा चार वटा विद्युतीय बस ल्याएको हो ।

इटहरी नगरभरि सहज र सरल रूपमा यातायातको सेवा पुर्याउने उदेश्यले नगर बस सञ्चालनमा ल्याउन लागेको इटहरीका नगर प्रमुख हेमकर्ण पौडेलले बताए । उनक अनुसार १ असोजबाट नगरबस सञ्चालनमा आउनेछ ।

बसमा सिसि क्यामेरालगायत सुविधा थप गर्ने तयारी भएको नगर प्रमुख पौडेलले बताए ।

इटहरीले नगरबस सञ्चालनको मिति तोके पनि विराटनगरमा टुङ्गो छैन । विराटनगर महानगरपालिकाले २०७९ फागुनमा रुट परीक्षण गरि केही समय भित्र नगरबस सञ्चालन गर्ने घोषणा गरेको थियो ।