सरकारसँग लेखा समूहका कर्मचारीको असन्तुष्ट

विराटनगर । कोशी प्रदेश सरकार मातहतका लेखा समूहका कर्मचारीहरूले असन्तुष्ट बनेका छन् । कर्मचारी बढुवा र व्यवस्थापनमा प्रक्रियाका कारण लेखा समूहका कर्मचारी असन्तुष्ट बनेका हुन् ।

लेखा समूहले सोमबार विज्ञप्ति जारी गर्दै मुख्यमन्त्री तथा मन्त्रिपरिषद्को कार्यालयबाट भएको निर्णयप्रति असन्तुष्टि जनाएका छन् ।

विज्ञप्तिमा प्रदेश प्रशासन सेवाका ज्येष्ठ कर्मचारीहरूलाई कनिष्ठ बनाउने गरी गरिएको बढुवा लगायतका कार्यहरूप्रति समूहको गम्भीर ध्यानाकर्षण भएको उल्लेख छ । लेखा समूहले समान अवसर र व्यवहारको सिद्धान्त अनुरूप कार्य वातावरण सिर्जना गर्न जोडदार माग गरेको छ ।

प्रदेश लेखा समूहले सार्वजनिक सेवा प्रवाहमा कर्मचारीको जिम्मेवारीप्रति प्रदेश सरकारले उचित ध्यान नदिएको आरोप लगाइको छ ।

प्रदेश सरकारले आफूहरूको मागहरूलाई बेवास्ता गरेमा दबाबमूलक कार्यक्रम गर्न बाध्य हुने विज्ञप्तिमा उल्लेख छ ।