माओवादी केन्द्र प्रदेशको बैठक सुरु, ब्यानरमा लेखिएन काेशी

विराटनगर । नेकपा माओवादी केन्द्र कोशी प्रदेश  समितिको बैठक सुरु भएको छ । पार्टी अध्यक्ष तथा पूर्वप्रधानमन्त्री पुष्पकमल दाहाल प्रचण्डको उपस्थितिमा कोशी प्रदेश समितिको सातौँ पूर्ण बैठक सुरु भएको हो ।

विराटनगरको होटेल स्वागतमा आयोजित बैठकमा प्रदेश समिति र सो सरह तथा माथिल्लो समितिका नेताहरूको उपस्थिति छ । बैठकमा पछिल्लो परिस्थिति र पार्टीको अवस्थाबारे अध्यक्ष प्रचण्डले प्रतिरक्षात्मक मन्तव्य तथा निर्देशन दिने बताइएको छ ।

सबै जिल्लाका संयोजकबाट रिपोर्टिङ हुने र अन्तरक्रिया पनि हुने प्रदेश समितिका अध्यक्ष हर्कबहादुर नेम्वाङ मिक्सोले जानकारी दिए ।

बैठकको ब्यानरमा भने काेशी प्रदेशको नाम लेखिएको छैन । प्रदेश १  नै लेखिएकाे छ ।

१७ फागुन २०७९ मा प्रदेश १ को नाम कोशी राखेको थियो ।  कोशीको पक्षमा मतदान गरेपनि माओवादी केन्द्रको केन्द्रीय कमिटी बैठकले पहिचानकै पक्षमा उभिने निर्णय गरेको थियो ।