बंगलादेशकी प्रधानमन्त्री हसिनाकाे राजीनामा

काठमाडौँ । आरक्षण विरोधी आन्दोलनले उग्ररुप लिएपछि बंगलादेशी प्रधानमन्त्री शेख हसिना राजीनामा दिएकी छन् ।

बिबिसीका अनुसार सोमबार उनले राजीनामा दिएकी हुन् । राजीनामा पछि उनले प्रधानमन्त्री कार्यालय पनि छाडेकी छन् ।

अल जजिराका अनुसार प्रधानमन्त्रीबाट राजीनामा दिएपछि हसिानले प्रधानमन्त्री कार्यालय गोनो भवन छाडेर सुरक्षित स्थानमा सरेकी छन् । सेनाले उनलाई सुरक्षित स्थानमा सारेकाे हाे ।

जुलाई १५ बाट सुरु कोटा बिरोधी आन्दोलनमा ३०० बढीको ज्यान गइसकेको छ । आइतबार एकै दिन प्रदर्शनका क्रममा ९० जनाको ज्यान गएको थियो ।