कोशीको मन्त्री छान्न देउवा निवासमा छलफल

काठमाडौँ । कोशी प्रदेश सरकारमा सहभागी हुने मन्त्री छनोटमा सकस परेपछि कांग्रेस सभापति शेरबहादुर देउवाले पदाधिकारी र पूर्वपदाधिकारीको बैठक बोलाएका छन् । आफ्नो निवास बूढानीलकण्ठमा पदाधिकारी र पूर्वपदाधिकारीलाई बोलाएका हुन् ।

कांग्रेस प्रदेश संसदीय दलका नेता उद्धव थापा पनि बैठकमा छन् । कोशीमा कांग्रेस एमालेबिच भएको सहमतिअनुसार कांग्रेसले चारवटा मन्त्रालय पाएको छ । तर मन्त्रीको नाम टुंगो नलागेका मन्त्री पठाउन सकेको छैन ।

चार मन्त्रालयमध्ये कांग्रेस पार्टी सभापति शेरबहादुर देउवा समूहबाट दुई जना, शेखर कोइराला समूहबाट १ जना र नेता कृष्णप्रसाद सिटौला गुटबाट एक जनालाई मन्त्री बनाउने संस्थापन पक्षको तयारी छ । तर शेखर कोइरालाले आफ्नो समूहबाट दुई जना मन्त्री दाबी गरिरहेका छन् ।