सरकारमा थपिए तीन राज्यमन्त्री

काठमाडौं । प्रधानमन्त्री केपी शर्मा ओलीले मन्त्रिपरिषद् विस्तार गरेका छन् । शुक्रबार तीन राज्यमन्त्री नियुक्त गरे । यो सँगै ओली नेतृत्वको सरकारले पूर्णता पाएको छ ।

ओलीले कांग्रेसबाट दुई र नागरिक उन्मुक्ति पार्टी (नाउपा)बाट एक राज्यमन्त्री नियुक्त गरे । कांग्रेसबाट रुपा विक र पूर्णबहादुर तामाङ तथा नाउपाबाट अरुण चौधरी राज्यमन्त्री नियुक्त भएका हुन् ।

अरुणलाई संस्कृति पर्यटन तथा नागरिक उड्डयन मन्त्रालय पठाइएको छ । रुपालाई वन तथा वातावरण र पूर्णबहादुरलाई ऊर्जा जलश्रोत तथा सिँचाइ राज्यमन्त्री बनाइएको छ ।