पिकअप र मोटरसाइकल दुर्घटनामा तीन जनाको मृत्यु

विराटनगर। माेरङ र झापामा सवारी दुर्घटना हुँदा तीन जनाकाे मृत्यु भएकाे छ । झापाको हल्दीबारीमा मोटरसाइकल र पिकअप भ्यान दुर्घटना हुँदा दुई जनाको मृत्यु भएको हाे ।

माेरङकाे मिक्लाजुङमा मोटरसाइकल दुर्घटना हुँदा एक जनाको मृत्यु भएकाे प्रहरीले बताएकाे छ । झापाकाे हल्दीबारी गाउँपालिका ५ स्थित हुलाकी राजमार्गमा पिकअप र मोटरसाइकल एकआपसमा ठोक्किएको थियो   ।

बिहीबार बेलुका  जलथल तर्फ आउँदै गरेको गरेको मे १ ज ३२६१ नम्बरको पिकअप गाडीले जलथलबाट राजगढ तर्फ जाँदै गरेको मे ९ प ९६८५ नम्बरको मोटरसाइकललाई ठक्कर दिएको थियो ।

दुर्घटनामा मोटरसाइकल चालक हल्दीबारी गाउँपालिका– ५ का २९ वर्षीय प्रेम प्रसाईँ र सुनसरीको बराहक्षेत्र नगरपालिका– १० प्रकाशपुरका डिकेस काकीको मृत्यु भएको  प्रहरीले बताएकाे छ । गम्भीर घाइते भएका दुवै जनालाई उपचारका लागि बिएण्डसी अस्पतालमा लगिएको थियो ।

उपचारका क्रममा चिकित्सकले उनीहरूलाई मृत घोषणा गरेका थिए । बिहीबार बेलुका मोरङको मिक्लाजुङ गाउँपालिका १ आइतबारे स्थित भित्री सडक खण्डमा रमितेबाट आइतबारे तर्फ जाँदै गरेको मोटरसाइकल आफै अनियन्त्रित भई दुर्घटना हुँदा चालक इलाम चुलाचुली– ६ घर भई मोरङको मिक्लाजुङ – १ बस्दै आएका २२ वर्षीय सन्दीप राईको मृत्यु भएको प्रहरीले बताएको छ ।