भोजपुरमा बाढी : ईखुवा जलविद्युत आयोजनाका दुई मजदुर बेपत्ता

विराटनगर । भोजपुरमा बाढीले बगाएर दुई जना बेपत्ता भएका छन् । भोजपुरको साल्पासिलिछो गाउँपालिकामा निर्माणाधीन ईखुवा जलविद्युत आयोजनामा बाढी पस्दा दुई मजदुर बेपत्ता भएका हुन् ।

जिल्ला प्रहरी कार्यालयका प्रहरी प्रमुख युवराज तिम्सिनाका अनुसार बर्दियाको बाराबर्दिया गाउँपालिका–३ का २६ वर्षीय श्यामकुमार थारू र सोही ठाउँका ३० वर्षीय रमेश थारू बेपत्ता भएका हुन् ।

बाढीमा परेका २६ वर्षीय राम किसन थारूको उद्धार गरिएको छ। सामान्य घाइते भएका उनको स्थानीय स्वास्थ्य चौकी कुलुङमा उपचार भइरहेको छ । बेपत्ता भएकाको खोजी जारी रहेको प्रहरीले बताएको छ ।