मुख्यसचिव बन्ने पहिलाे महिला लीलादेवी

काठमाडौं । मन्त्रिपरिषद बैठकले लीलादेवी गड्तौलालाई मुख्यसचिवमा नियुक्त गर्ने निर्णय गरेको छ ।

कायममुकायम मुख्यसचिव रहेकी गड्तौलालाई बिहीबार बसेको मन्त्रिपरिषद बैठकले मुख्यसचिवमा नियुक्त गर्ने निर्णय गरेको हो ।

गड्तौला नेपालको निजामती सेवाको उच्च पद मुख्यसचिव बन्ने पहिलो महिला बनेकी छन् ।

५८ वर्ष उमेर हदका कारण उनी १५ भदौ २०८१ मा अनिवार्य अवकाशमा जानेछिन् ।

गडतौलालाई ३१ असारमा बसेकाे मन्त्रिपरिषद बैठकले कायममुकायम मुख्यसचिवको जिम्मेवारी दिएको थियो । त्यसअघि ९ असारमा उनलाई निमित्त मुख्यसचिवको जिम्मेवारी तोकिएको थियो ।

अख्तियार दुरुपयोग अनुसन्धान आयोगले सरकारका मुख्यसचिव वैकुण्ठ अर्याललाई भ्रष्टाचार अभियोगमा विशेष अदालतमा मुद्दा दर्ता गरेपछि गड्तौलाले कायममुकायम मुख्यसचिवको जिम्मेवारी पाएकी थिइन् ।