त्रिभुवन विश्वविद्यालयको लापरवाही : फेरि दोहोरियो प्रश्नपत्र

काठमाडाैँ । त्रिभुवन विश्वविद्यालयले सञ्चालन गरेको परीक्षामा फेरि पुरानै प्रश्नपत्र दोहोरिएको छ ।

मानविकी तथा सामाजिक शास्त्र संकायको स्नातकोत्तर तह पहिलो सेमेस्टरको संस्कृत काव्यशास्त्र विषयको प्रश्नपत्र गत वर्षकै हुबहु दोहोरिएको हो । डीन कार्यालयको लापरवाहीका कारण प्रश्नपत्र दोहोरिएको हो ।

नेपाली केन्द्रीय विभाग प्रमुख प्रा.डा.कृष्णप्रसाद न्यौपानेले डीन कार्यालयको कमजोरीले प्रश्नपत्र दोहोरिएको बताए । सहायक डिन किरण आचार्यले कर्मचारीको कमजोरीले पुरानै प्रश्नपत्र दोहोरिएको बताए ।

विगतमा पनि प्रश्नपत्र दोहोरिँदा कर्मचारीलाई दोष देखाएर कर्मचारी उम्किने गरेका थिए ।

मानविकी तथा सामाजिक शास्त्र संकायका सहायक डीन किरण आचार्यले मानवीय त्रुटिका कारण नहुनुपर्ने गल्ती भएको बताए ।