२७ महिनापछि २४ सय अङ्क माथि नेप्से

विराटनगर । नेपाल स्टक एक्सचेन्ज (नेप्से) परिसूचक २४ सय अङ्क नाघेको छ । २७ महिनापछि २४ अंकमाथि पुगेको हो ।

दुई ठुला राजनीतिक दल नेपाली कांग्रेस र नेकपा एमाले सरकार गठन गरेयता नेप्से परिसूचक निरन्तर बढ्दो छ । आज बजार खुलेको एक घण्टामै २४ सय बिन्दु पार गरेको हो ।

असार १७ गते राती कांग्रेस र एमालेले सम्झौता गर्ने सुइँको पाएपछि सोही दिन बजार बढेको थियो । त्यसयताका १४ कारोबार दिनमा परिसूचक २ दिन मात्रै घटेको छ ।

यसअघि २०७८ चैत महिनामा नेप्से परिसूचक २४ सय अङ्कको बिन्दुमा थियो । त्यसयता निरन्तर घटेर १८ सय अङ्कको बिन्दुसम्म आइपुगेको नेप्से परिसूचक निरन्तर बढ्दो स्थितिमा छ ।