भूकम्प प्रभावितको टहरामा गिजा खोलाको बाढी पस्दा तीन जनाको मृत्यु

काठमाडौँ । रुकुम पश्चिमको आठबिसकोटमा भूमकम्प प्रभावितका लागि बनाइएको अस्थायी संरचनामा बाढी पस्दा तीन जनाको मृत्यु भएको छ ।

भूकम्पपछि बनाइएको अस्थायी टहरामा स्थानीय गिजा खोलाको बाढी पस्दा तीन जना बालिकाको मृत्यु भएको हो । अन्य ७ जना घाइते भएका छन् ।

८ वर्षीय हितमाया पुन, ५ वर्षीय धनिसा पुन र ४ वर्षीय मनिषा सार्कीको मृत्यु भएको प्रहरीले बताएको छ । बाढीले टहरामा क्षति पुर्‍याउँदा च्यापिएर उनीहरुको मृत्यु भएको हो ।

१२ वर्षीय विनय सार्की, २२ वर्षीय मनीषा पुन, २९ वर्षीय जनक खत्री, ६ वर्षीय मनसरी पुन, चार वर्षीय मेक्सन पुन, २८ वर्षीय धनमाया पुन र ६५ वर्षीय कल्पना कामी घाइते भएका छन् ।

जिल्ला प्रहरी कार्यालय रुकुम पश्चिमका सूचना अधिकारी, प्रहरी निरीक्षक बखत बहादुर शाहीका अनुसार आठबिसकोट नगरपालिका–१२ झिमचौरमा खोलाको बाढीले स्थानीय शेरबहादुर पुनको अस्थायी टहरा बगाएको थियो । उनको घरमा ७ जना बसिरहेका थिए । ७ मध्ये तीनको मृत्यु भएको हो । पुनसहित स्थानीयको घर गत कार्तिकमा जाजरकोट केन्द्रविन्दु भएर गएको भूकम्पमा परेर क्षतिग्रस्त भएको थियो ।

आठबिसकोट नगरपालिकाका मेयर रवि केसीका अनुसार बिहान तीन बजेतिर माथिबाट आएको खोलाको बाढीले टहरामा क्षति पुर्याएको हो । शेरबहादुर पुनकोसहित ६ वटा अस्थायी टहराहरूमा क्षति पुगेको उनले बताए ।

काठमाडौँ । रुकुम पश्चिमको आठबिसकोटमा भूमकम्प प्रभावितका लागि बनाइएको अस्थायी संरचना बाढीले बगाउँदा तीन जनाको मृत्यु भएको छ । भूकम्पपछि बनाइएको अस्थायी टहरामा स्थानीय गिजा खोलाको बाढी पस्दा तीन जना बालिकाको मृत्यु भएको हो । अन्य ७ जना घाइते भएका छन् ।

८ वर्षीय हितमाया पुन, ५ वर्षीय धनिसा पुन र ४ वर्षीय मनिषा सार्कीको मृत्यु भएको प्रहरीले बताएको छ । बाढीले टहरामा क्षति पुर्‍याउँदा च्यापिएर उनीहरुको मृत्यु भएको हो । १२ वर्षीय विनय सार्की, २२ वर्षीय मनीषा पुन, २९ वर्षीय जनक खत्री, ६ वर्षीय मनसरी पुन, चार वर्षीय मेक्सन पुन, २८ वर्षीय धनमाया पुन र ६५ वर्षीय कल्पना कामी घाइते भएका छन् ।

जिल्ला प्रहरी कार्यालय रुकुम पश्चिमका सूचना अधिकारी, प्रहरी निरीक्षक बखत बहादुर शाहीका अनुसार आठबिसकोट नगरपालिका–१२ झिमचौरमा खोलाको बाढीले स्थानीय शेरबहादुर पुनको अस्थायी टहरा बगाएको थियो । उनको घरमा ७ जना बसिरहेका थिए । ७ मध्ये तीनको मृत्यु भएको हो । पुनसहित स्थानीयको घर गत कार्तिकमा जाजरकोट केन्द्रविन्दु भएर गएको भूकम्पमा परेर क्षतिग्रस्त भएको थियो ।

आठबिसकोट नगरपालिकाका मेयर रवि केसीका अनुसार बिहान तीन बजेतिर माथिबाट आएको खोलाको बाढीले टहरामा क्षति पुर्याएको हो । शेरबहादुर पुनकोसहित ६ वटा अस्थायी टहराहरूमा क्षति पुगेको उनले बताए ।