ओली क्याविनेटमा कांग्रेसकाे नेतृत्व सिंहले गर्ने, परराष्ट्रमा आरजु

काठमाडौं । केपी शर्मा ओली नेतृत्वको सरकारमा सहभागि हुने मन्त्रीको नाम नेपाली कांग्रेसले टुंगो लगाएको छ । सभापति शेरबहादुर देउवाले नेताहरुसँग छलफलपछि सरकारमा सहभागि हुने मन्त्री सूची तयार पारेका हुन् ।

ओली नेतृत्वको सरकारमा पूर्व महामन्त्री प्रकाशमान सिंहले कांग्रेसको नेतृत्व गर्नेछन् । उनी सहरी विकास मन्त्री बन्नेछन् ।

कांग्रेस प्रमुख सचेतक रमेश लेखक गृहमन्त्री बन्नेछन् । देउवा पत्नी आरजु देउवा राणा परराष्ट्रमन्त्री बन्ने तयारी छ ।

अजय चौरसिया कानुन, न्याय तथा संसदीय मामिला, दिपक खड्कालाई जलस्रोत तथा ऊर्जा र ऐनबहादुर शाहीलाई वन मन्त्री बनाउने तयारी छ ।

शेखर कोइराला–गगन थापा समूहबाट प्रदीप पौडेल स्वास्थ्य तथा जनसंख्यामन्त्री बन्नेछन् । सहमहामन्त्री बद्री पाण्डे संस्कृति पर्यटन तथा नागरिक उड्ययन मन्त्री र रामनाथ अधिकारी कृषिमन्त्री बन्नेछन् ।