प्रधानमन्त्रीको विपक्षमा मतदान गर्न कांग्रेसको पनि ह्वीप

काठमाडौँ । नेपाली कांग्रेसले प्रधानमन्त्री पुष्पकमल दाहाल ‘प्रचण्ड’ लाई विश्वासको मत नदिन ह्वीप जारी गरेको छ ।

प्रचण्डले शुक्रबारको प्रतिनिधि सभा बैठकमा विश्वास मत लिदैछन् । प्रमुख सचेतक रमेश लेखकले विश्वास मतको विपक्षमा मतदान गर्न ह्वीप जारी गरेका हुन् ।

शुक्रबारको प्रतिनिधि सभामा कांग्रेस सांसदहरूलाई अनिवार्य उपस्थित हुन पनि कांग्रेसले भनेको छ।

नेकपा एमालेले बुधबार विश्वासको मतको विपक्षमा मतदान गर्न ह्वीप जारी गरेको थियो ।

कांग्रेस र एमालेबीत गत असार १७ गते नयाँ समीकरण बनाएर सरकार गठनको सहमति भएको थियो । प्रधानमन्त्रीले राखेको विश्वास मत प्रस्ताव निर्क्योल भएपछि नयाँ सरकार गठन प्रक्रिया सुरू हुनेछ ।