विराटनगरको पुँजीगत खर्च बढ्यो

विराटनगर । विराटनगर महानगरपालिकाको पुँजीगत खर्च बढेको छ । गत क्षमतालाई बढाएको छ । गत आर्थिक वर्षको तुलनामा चालु आर्थिक वर्षमा पुँजीगत खर्च बढेको हो ।

गत वर्ष ५० प्रतिशत पुँजीगत खर्च भएको थियो । चालु आर्थिक वर्ष ६५ प्रतिशत खर्च भएको महानगरले जनाएको छ ।

चालु आर्थिक वर्षका लागि पुँजीगततर्फ महानगरले १ अर्ब ६७ करोड ५१ लाख रुपैयाँ विनियोजन गरेको थियो । जसमा १ अर्ब ८ करोड ९१ लाख रुपैयाँ खर्च गरेको छ ।

नियमित अनुगमन, जनप्रतिनिधि, कर्मचारी र निर्माण व्यवसायीबिचको प्रभावकारी समन्वयका कारण पुँजीगत खर्च बढेको प्रमुख नागेश कोइरालाले बताए ।

चालुतर्फ महानगरले ८४ दशमलव ५५ प्रतिशत खर्च गरेको छ । १ अर्ब ६३ करोड विनियोजन गरेकामा १ अर्ब ३८ करोड ३७ हजार रुपैयाँ खर्च भएको प्रमुख प्रशासकीय अधिकृत राजेन्द्र पराजुलीले जानकारी दिए ।

महानगरले चालु आर्थिक वर्षका लागि ३ अर्ब ३६ करोड १७ लाख बजेट विनियोजन गरेकोमध्ये २ अर्ब ५२ करोड १ लाख रुपैयाँ खर्च गरेको छ ।

विराटनगर महानगरपालिकाले आगामी आर्थिक वर्षका लागि ३ अर्ब ४९ करोड ९८ लाख रुपैयाँ बराबरको बजेट ल्याएको छ ।