प्रचण्डलाई विश्वासको मत दिन माओवादी केन्द्रको ह्वीप

काठमाडौं । प्रधानमन्त्री पुष्पकमल दाहाल प्रचण्डलाई विश्वासको मत दिन नेकपा माओवादी केन्द्रको संसदीय दलले ह्वीप जारी गरेको छ ।

२८ असारको प्रतिनिधि सभा बैठकमा प्रधानमन्त्री प्रचण्डले विश्वासको मत लिनेछन् ।

बुधबार सिंहदरबारमा बसेको संसदीय दलको बैठकले ह्वीप जारी गरेको हो ।

प्रमुख सत्ता साझेदार नेकपा एमालेले समर्थन फिर्ता लिएकाले प्रधानमन्त्री प्रचण्डले विश्वासको मत लिन लागेका हुन् ।

एमाले र कांग्रेसले सरकार बनाउने समझदारी गरेका कारण प्रधानमन्त्री प्रचण्डले विश्वासको मत पाउने अवस्था छैन ।